المشهد : الرباعيه دكتور عبد العزيز اليوم الجمعه الموافق 1 يوليو
وأنا جالس كالعاده على الكرسى ماسك جريده فى يدى وعمال بحل لعبه سودكو ويجلس الى جوارى على اليسار شخص يدعى وليد وعلى اليمين شخص اخر يدعى اسلام
وما هيا الا لحظات حتى شعرت بيد صغيره تخبط برفق على كتفقى الايسر
فالتفت فاذا بها فتاه تكسوها ملامح الاطفال وجه ملائكى برىء رقيقه يعلو وجهها ابتسامه خفيفه توحى بشىء من التفاؤل وتمسك فى احدى يديها ورقه وتقول لى
الطفله : : عمو عمو ممكن تعملى مركب ؟؟
أنا : اه ممكن
انا : انتى اسمك ايه ؟؟
الطفله : ندى
أنا : فى سنه كام يا ندا
ندى : داخله رابعه ابتدائى
أنا : وبتجيبى درجات حلوه وبتطلعى الاولى ولا لأ ؟؟
ندى : لا الدرجات الحلوه دى فى سنه 6 ابتائى
أنا : طب انتى عاوزه تبقى ايه يا ندى ؟؟
ندى : دكتوررررررررره !!!
أنا : خلصت المركب وبديها ليها
ندى : شكرا يا عمو
أنا : ندى ؟؟؟؟
ندى :: نعم
أنا : لو عاوزه تبقى دكتوره لازم تبقى الاولى كل السنين فى تالته ورابعه وخامسه وسادسه
ندى : ان شاء الله
وهنا خلص كلامى مع ندى
رجعت تانى ابص فى الجريده واحل فى السودكو فاذا بمربع صغير يجذب نظرى ماذا يسمى هذا المربع
كان يسمى ( انت والنجوم ) شبيه بحظك اليوم فقلت اشوف برجى وطلع كالأتى ::
العذراء:: يوم غير جيد للسفر
انا طبعا فى سفر امال انا فى ايه فبورى الجريه لاسلام فبصلى وضحك
اديته للشخص الاخر ( وليد ) فبيقولى يعم دى خرافات حد يصدق الكلام دا
أنا : اه طبعا محدش بيصدق الكلام الهايف دا
وخلص الكلام على كدا
المشهد الثالث : راكب سرفيس ومروح بيتنا الوجهه القادمه :: سندوب
قاعد فى العربيه وماسك الجريده والموبايل فى ايدى وما هيا الا ثوانى وانطلقت العربيه واذا بشخص يقف على الطريق يريد الركوب المهم ركب وقعد جنبى
الشخص كان يشبه المتشردين يمسك فى يده حاجه طويله بيضه رفعيه من ورا وطخينه اوى من قدام اكيد دى ( سجاره بانجو معدله )) دا مش طلع متشرد بس طلع متخلف عقليا على ما اعتقد واعتقد دا بسبب حاله عصبيه لانه بعد ما ركب
كل شويه يعلى ثوته ويقول حبيبى يبنى حاسب العربيه هتخبطك تعالا جنبى وبيردد كدا على طول انا سكت وقولت سيبه مع نفسه ربنا يشفيه
لقيته : فجأه بيقولى انا عايز اتكلم فى التليفون
انا : عملت كأنى مش سامع حاجه
الشخص : يخبط على كتفى ( كابتن عاوز اتكلم فى التليفون )
أنا : مفيهوش رصيد
الشخص : منتا كنت بتتكلم فيه من شويه وبتطمن على حد
أنا : (مساء الغلاسه) بس دى فى بالى
وبقوله انتا متعرفش كنت برسم انى معايا تليفون كنت بكلم نفسى
الشخص : طب انا عاوز التليفون اكلم ابنى
!!!!!!!!!!!!!!
انا : ابنك قولت يبقى الحاله النفسيه طالبه تليفون قولتله مفيهوش رصيد ( بحححححححححححححححححححححححح
)
الشخص : يعنى انتا مش عاوز تجيب التلييفون
انا : لأ
الشخص : ماشى وبيحط ايده فى جيبه على اساس انه يخوفنى وهيطلع مطوه
وفجأه لقيته مطلع نفس السيجاره ولكن بحجم اكبر شويه
وبيولع وبيشرب وبيقول يا حبيبى يبنى
عرفت بقا واتاكدت فعلا انه وم غير جيد للسفررررر وبالنسبه لعم وليد خرافات ها ؟؟؟
0 comments:
Post a Comment